9 nov. 2009

Hai que demostrar que se pode ofrecer arte en sitios que non se fan con ese fin

Por vez primeira unha oficina de Correos de Ourense acolle unha exposición e é a do escultor Toño Monteiro. ‘A corna-musa’ naceu, por casualidade, coa idea de entreter ós usuarios.


En palabras do finado Xaime Quessada, Toño Monteiro é un ‘auténtico caníbal das formas escultóricas’. Despois de ofrecer o seu traballo en diferentes recintos expositivos da cidade, a súa última mostra está ubicada na oficina central de Correos en Ourense, no edificio da Alameda. É unha escolma de esculturas con variedade temática e xeométrica que abre unha nova etapa na liña cultural de Correos. ‘A corna-musa’, como se fai chamar a colección, pódese visitar ata mediados de mes.

Como acaba a súa obra nunha oficina de Correos?

A verdade é que pode resultar un pouco cómico. Un día tiven que ir a oficina para recoller unha multa e mentres esperaba o meu turno estaba a buscar unha distracción. Entón vin unhas estanterías e preguntei si me deixaban colocar nelas esculturas. A resposta de Correos foi unha grata sorpresa, apostaron pola arte dende o primeiro momento e ahí estou.

Baixo que pensamento fixo a proposición?

O obxetivo e buscar outra visión, outro esparcimiento, que a xente que está inmersa neste espacio se distraia. É outra forma de acercarlle o traballo artístico á cidadanía. É unha maneira de demostrar á xente que se pode mostrar arte en sitios que non se fan para a arte.

E como consegue encaixar a escultura neste novo recinto expositivo?

É a primeira exposición que se fai en Correos e había que darlle un significado. O título da exposición, ‘A corna-musa’, está inspirado no logotipo desta entidade e parte dun xogo de palabras: unha musa con cornos. Eso é o que reflexa a obra principal desta colección, que ademáis preséntase cunha parábola e unhas ondas que simbolizan a comunicación con outro ser, pois Correos é un sitio de comunicación. Esta muller, de perfiles quessadianos propios do que foi o meu mestre, leva tamén unha tatuaxe co logotipo da entidade.

Que ofrece a colección?

É unha mostra de esculturas variada, con obras en pizarra, fundición, coios de A Chavasqueira... Nela hai, como non podía ser doutra maneira por estar en Correos, unha representación en tridimensional de Litsa, a deusa grega que leva boas noticias, unha escultura que leva o nome de ‘Fusión’ e que ven a representar a unha parella que estivo rota e a que a comunicación volveu a unir, ou unha peza que simboliza ó carteiro. Son sobre unhas 20 pezas diferentes pero con unha temática central.

A influencia de Quessada está presente.

Quessada foi o meu mentor, o meu descubridor. El foi quen me dixo que tiña algo dentro. Alégrome das homenaxes que lle están a facer porque o seu nome debe perdurar sempre.

Correos busca lanzar a obra dos artistas locais

A exposición que dende o pasado mes de outubro exhibe o escultor Toño Monteiro na oficina de Correos da Alameda é a primera mostra artística destas características que chega a oficina, pero probablemente non sexa a última. Según a directora da oficina, Leonor Otero Sampedro, Correos ten dentro das súas prioridades unha resposta social corporativa, que leva á entidade a traballar con organizacións como Unicef, Cruz Vermella ou Aldeas Infantís, entre outras.

E dentro desta filosofía, a oficina decántase agora tamén por dar a conocer e impulsar a obra dos artistas locais. ‘Queremos achegar a arte á xente e ofrecer ós artistas as nosas oficinas polas que diariamente pasan moitas persoas’, explica Otero.

Según di a directora deste centro, o público está a responder moi ben ante a oferta expositiva que Toño Monteiro está a mostar no edificio da Alame da. Por iso, explica, dende a dirección se vai a solicitar permiso para conseguir que a mostra saia de ruta polas diferentes oficinas que Correos ten na Comunidad galega. ‘O escultor entendeu dende o primeiro momento a idea da exposición’, explica Leonor Otero, ofrecendo unha mostra moi vinculada co servicio de Correos e de grande calidade artística.

Iniciativa

Esta nova iniciativa da entidade saiu a rúa baixo o lema ‘Correos con el arte’. Da súa man, os usuarios da oficina terán a oportunidade de ver arte, distraerse e coñocer o que pode facer un artista ourensán, nesta caso o escultor Toño Monteiro, que no agocha a súa satisfacción por poder ofrecer o seu traballo noutras sedes galegas da entidade.